۲۳ ربيع الاول روز ورود حضرت معصومہ قم ، حضرت آيۃ اللہ العظميٰ صافي گلپائگاني دام ظلہ الوارف نے حرم حضرت معصومہ (س) كے ثقافتي عہديداروں سے ملاقات كي ۔
اس ملاقات كے دوران حضرت آيۃ اللہ العظميٰ صافي گلپائگاني نے حضرت معصومہ(س) كي شخصيت و عظمت كي طرف اشارہ كرتے ہوئے ان كے مزار مقدس كو محمد و آل محمد(ع) كي ولايت و ثقافت كا مركز قرار ديا اور اس مركز ميں خدمت كو مكتب اہلبيت عليہم السلام كي ترويج اور ہدايت كا ذريعہ بتايا ۔
ان كي تقرير كا خلاصہ ذيل ميں پيش كيا جا رہا ہے ۔
بسم الله الرحمن الرحيم. الحمدلله رب العالمين و الصلاة و السلام علي سيد الاولين و الآخرين و خاتم الانبياء و المرسلين سيدنا ابي القاسم محمد و علي آله الطيبين الطاهرين و لاسيما بقية الله في الارضين و اللعن علي اعدائهم اجمعين الي يوم الدين.
خداوند عالم نے معصومہ كي خدمت كي توفيق آپ كو عطا كي ہے يہ ميرے لئے بہت ہي خوشي كا باعث ہے اور اميد ہے كہ آپ حضرات كوشش كريں تاكہ اپنے مقدس مقاصد كو جلد از جلد حاصل كر سكيں ۔
حضرت فاطمہ معصومہ سلام اللہ عليھا كي عظمت و منزلت اتني بلند ہے جسے ہم بيان كرنے سے عاجز ہيں سوائے اس كے كہ ہم ائمہ (ع) كے كلام كو نقل كريں ۔ ان كي وسيلے سے اہل قم كو جو بركتيں حاصل ہوئي ہيں وہ نا قابل شمار ہيں۔

• Read more

۱۔ الصبر علي الدنيا ؛ علي عليہ السلام كو حكم ديا كہ دنيا كي سختيوں ميں صبر كا مظاہرہ كريں ، دنيا مولائے كائنات كے لئے مشكلات و مصائب كا سبب تھي اور آپ(ع) كے لئے سخت ترين مشكلات و مصائب كا جال بن ركھا تھا ۔
۲۔ بحفظ فاطمۃ ؛ پيغمبر(ص) نے علي عليہ السلام كو فاطمہ كي حفاظت كا حكم ديا چونكہ پيغمبر كي آنكھيں اپنے بعد آنے والے حالات كو ديكھ رہي تھيں كہ كس طرح جناب فاطمہ كے گھر كي حرمت پامال كي جائے گي اور آپ كو اذيت پہنچائي جائے گي اس لئے آپ نے جناب فاطمہ (س) كي حفاظت كي وصيت فرمائي ۔
۳۔ بجمع القرآن ؛ قرآن كو جمع كريں تاكہ قرآن كا كوئي حصہ ضائع نہ ہونے پائے ، كچھ لوگ تھے ايسے جو چاہتے تھے كہ قرآن يوں ہي متفرق رہے اور اس طرح مكمل قرآن يا اس كا كچھ حصہ ختم ہو جائے اور ان كا مقصد حاصل ہو جائے ۔ يقيناً جن لوگوں نے پيغمبر(ص) كي بہترين يادگار جس كو نبي نے اپنا جگرپارہ كہا تھا كو نہ رہنے ديا انھيں قرآن ختم كرنے ميں كيا خوف و ہراس ہوتا ۔

• Read more

محضر مبارك حضرت آيۃ اللہ العظميٰ شيخ لطف اللہ صافي گلپائگاني دامت بركاتہ
سوال : حضرت عالي كي نظر ميں امام حسين عليہ السلام اور ديگر ائمہ كے غم سياہ لباس پہننا شرعي رجحان ركھتا ہے يا نہيں ؟

بسم اللہ الرحمن الرحيم
سلام اللہ و سلام انبيائہ وملائكتہ علي سيدنا ومولانا ابي عبداللہ الحسين المظلوم سيد الشہداء وابي الاحرار وعليٰ اہل بيتہ واولادہ واصحابہ ۔
جواب : چونكہ كالے لباس اہل مصيبت كا شعار اور غم زدہ افراد كي نشاني ہيں لہذا حضرت سيد الشہدا(ع) اور ديگر ائمہ عليہم السلام كے غم ميں ان كا پہننا بے شك رجحان ركھتا ہے اور شعاير الٰہي كي تعظيم ،اہل بيت عليہم السلام سے محبت اور ان كے دشمنوں سے نفرت، ان كے ايثار و فداكاريوں اور راہ حق ميں شہادت كي قدرداني اور دين اسلام كي حفاظت اور بہت سے عناوين كا مصداق ہونے كي وجہ سے رجحان ركھتا ہے ۔
عراق كے شيعوں ميں رائج ہے كہ وہ دس دن محرم ميں اپنے گھر كے اوپر سياہ پرچم لہراتے ہيں ،يہاں تك كہ اگر كوئي سنسان جنگل ميں كسي چھوپڑي ميں بھي رہتا ہے تو وہ بھي اپنے گھر پر سياہ پرچم ضرور لگاتا تھا ۔

• Read more

سپاہ پاسداران انقلاب اسلامي كے افسران اور مسلح افواج ميں دفتر نمائندہ ولي فقيہ كے سربراہوں نے ۸ نومبر كي صبح ميں حضرت آيۃ اللہ العظميٰ صافي سے ملاقات كي ۔
حضرت آيۃ اللہ العظميٰ صافي نے اس ملاقات كے دوران حاضرين كو عيدالاضحيٰ اور عيد غدير كي مباركباد پيش كرتے ہوئے فرمايا : سپاہ پاسداران انقلاب اسلامي اور مسلح افواج ہي كے سبب آج اسلامي انقلاب اور اسلامي حكومت و مملكت كو يہ عظمت و شكوہ حاصل ہوا ہے ۔
انھوں نے اسلامي حكومت كے ہر شعبے ميں علماء كي موجودگي كو ضروري قرار ديتے ہوئے فرمايا : سپاہ پاسداران انقلاب اسلامي اور مسلح افواج كے درميان جس طرح علماء كي موجودگي بہترين فرصت ہے اور اس كے بہت سے فائدے اور بركات ہيں اس فرصت كو غنيمت سمجھنا چاہئے ۔
مرجع عاليقدر نے فرمايا : مسلح افواج كے درميان علماء كي موجودگي ہي كي وجہ سے آج انقلاب كے اصلي اہداف محفوظ ہيں جس كي وجہ سے ہم دين ، اسلام اور ولايت كي راہ پر ثابت قدم ہيں ، ہميں اسي ثبات قدم كے ساتھ آگے بڑھنا چاہئے تاكہ يہ اہداف آخر تك محفوظ رہيں ۔
انھوں نے اس بات كي تاكيد كي كہ جس طرح مسلح افواج ظاہري اسلحوں سے مسلح ہيں اسي طرح انھيں معنوي اور ايماني اسلحوں سے بھي مسلح رہنا چاہئے ۔ اس لئے كہ اگر دونوں اسلحے ان كے ساتھ ہوئے تو ميدان عمل ميں كبھي بھي يہ مشكل سے دوچار نہيں ہوں گے ۔

• Read more

پنجشنبہ كي صبح حضرت آيۃ اللہ العظميٰ صافي نے مشہد مقدس ميں غدير شناسي كے موضوع پر ايك اجتماع منعقد كرنے والي انجمن كے ممبران سے ملاقات كي ۔
آيۃ اللہ العظميٰ صافي نے اس انجمن كے ممبران سے ملاقات پر خوشي كا اظہار كرتے ہوئے فرمايا : ميري خوش نصيبي ہے كہ ميں آپ جيسے لوگوں كي زيارت كر رہا ہوں جو غدير شناسي جيسے موضوع پر اجتماع برپا كرنے والے ہيں ، انشاء اللہ آپ كي يہ كوشش امر اہلبيت عليہم السلام كے احياء اور امام زمانہ(عج)كي خوشنودي كا باعث ہو ۔
انھوں نے اہلبيت عليہم السلام كي خدمت كي توفيق كو معصومين عليہم السلام كي عنايات و توجہ كا باعث بتايا اور فرمايا : جو لوگ خود كو امر اہلبيت(ع) كے احياء كے لئے وقف كر چكے ہيں انھيں اپنے مقدر پر ناز كرنا چاہئے اور يہ سمجھنا چاہئے كہ يہ توفيق ہر كس و ناكس كو نصيب نہيں ہوتي ہے بلكہ يہ توفيق اس بات كي علامت ہے كہ خدا كي خاص عنايت ہے جو آپ كو يہ مقام ملا ہے ۔
مرجع عالقيدر نے تمام مسلمانوں كو امر اہلبيت(ع) كے احياء كي دعوت ديتے ہوئے فرمايا : تمام مسلمانوں كو اس امر كو زندہ ركھنے ميں تعاون كرنا چاہئے اور يہ يقين ركھنا چاہئے كہ يہ مسئلہ بہت ہي اہم مسائل ميں سے ہے ۔
معظم لہ نے تمام لوگوں كو مذہبي محافل بالخصوص عيد غدير كے جشن ميں شريك ہونے كي تاكيد كرتے ہوئے فرمايا : عيد غدير كي تعظيم اور محافل ميں شركت ذاتي ذوق و شوق كي وجہ سے ہوتي ہے لہذا ہر انسان وہاں نہيں پہنچ پاتا بلكہ صرف انہيں توفيق ہوتي ہے جو اہلبيت(ع) كے مشتاق ہوتے ہيں ، يہ كام بہت ہي دشوار ہے بغير عشق اہلبيت(ع) كے يہ پورا نہيں ہوسكتا ہے ۔

• Read more