مصائب عاشورا
(مرحوم حضرت آیت اللّه آخوند ملا محمد جواد صافی گلپایگانی (قدس سره) کے بیانات سے اقتباس)
پہلی مصیبت
جب ابو الفضل العباس علیہ السلام کے دونوں بازو قلم ہو گئے اور آپ کی آنکھ میں تیر پیوست ہو گیا ، اور آپ کا بدن مطہر تیروں ، تلواروں اور نیزوں کے زخموں سے اس طرح چھلنی ہو چکا تھا کہ جس طرح شہد کی مکھیوں کا چھتہ ہو ۔ آپ بچوں کے لئے جو پانی لا رہے تھے وہ زمین پر بہہ گیا : آیِساً مِنَ الحَیَاةِ وَ قَرِیباً إِلَى الْمَمَاةِ ، آپ زندگی سے ناامید اور موت کے قریب تھے کہ ایک ملعون لوہے کا گرز لے کر سامنے آیا اور جب اس نے دیکھا کہ عباس کے ہاتھ نہیں ہیں اور اب وہ اپنا دفاع نہیں کر سکتے تو اس نے نہ خدا و رسول سے شرم کی اور نہ ہی اس مظلوم پر رحم کیا اور وہ گرز اپنی پوری قوت سے آپ کے سر اقدس پر مارا کہ آپ کا مغز آپ کے شانوں پر گر گیا ۔
|
چو دشت بلا از غمش تار شد |
کشید آه و از زین نگونسار شد |
حضرت عباس نے آواز دی : یَا أَخَاه ! أَدْرِكْ أَخَاكَ الْعَبَّاسَ ۔ اے بھائی ! اپنے بھائی عباس کی مدد کو پہنچئے ۔ جب امام حسین علیہ السلام نے اپنے بھائی کی فریاد سنی تو ایک آہ بلند کی اور جگر سوز فریاد کی : «اَلْآنَ انْکَسَرَ ظَهْرِی وَ انْقَطَعَ رَجَائِی وَ قَلَّتْ حِیلَتِی». وَأَتَی زَیْنَبُ، فَنَادَتْ: «وَاعَبَّاسَاهُ!» ۔ (۱)
’’ اب میری کمر ٹوٹ گئی ، میری امید دم توڑ گئی ، میرا حیلہ اور چارہ جوئی کم ہو گئی ‘‘ ۔ اور جب حضرت زینب کبریٰ نے حضرت عباس کی شہادت کی خبر سنی تو فرمایا : «وَاعَبَّاسَاهُ!» ۔
دوسری مصیبت
آپ سب نے سنا ہے اور آپ سب جانتے ہیں کہ عاشورا کے دن (لشکر حسین علیہ السلام میں سے ) چند لوگوں پر پتھر برسائے گئے کہ جن میں سے ایک قاسم بن حسن ہیں کہ جن کے نازک اور پھول سے بدن پر پتھر برسائے گئے اور ان کے جسم کو تیروں ، تلواروں اور پتھروں کا نشانہ بنایا گیا اور کسی نے ان کے بچپن ، بے کسی ، غریب الوطنی ، یتیمی اور ان کی پیاس پر رحم نہ کیا ۔
آه آه ۔ وا اسَفاه ! کتاب بحار الانوار میں ذکر ہوا ہے کہ حمید بن مسلم کہتا ہے : میں نے ایک نوجوان کو دیکھا کہ جو چاند کے ٹکڑے کی مانند تھا اور جس کی نعلین کا ایک بند کھلا ہوا تھا اور اس پر لشکر نے ہر طرف سے بھیڑیوں کی طرح حملہ کر دیا لیکن جب وہ نوجوان حملہ کرتا تو لشکر اس طرح سے بھاگ جاتا کہ جیسے بھیڑیں کسی شجاع شیر کو دیکھ کر بھاگ جاتی ہیں ۔ عمر بن سعد ازدی نے کہا : ان لوگوں کے گناہ مجھ پر ہوں اگر مجھے موقع ملے اور میں اسے قتل نہ کروں ۔ پس اسے موقع ملا اور اس نے پیچھے سے قاسم پر حملہ کیا اور اس طرح قاسم کے سر پر تلوار سے وار کیا کہ قاسم کا سر شگافتہ ہو گیا ۔ لشکر نے قاسم کو چاروں طرف سے گھیر لیا اور ان کے پھول سے نازک بدن کو نیروں ، تلواروں اور پتھروں کا نشانہ بنایا گیا اور جب گھوڑے سے گرے تو فریاد کی : یَا عَمَّاهُ ! أَدْرِکْنِی ۔اے چچا ! میری مدد کو پہنچئے ۔
امام حسین علیهالسلام ایک غضبناک شیر کی طرح ان کی طرف روانہ ہوئے ۔ اور جب آپ وہاں پہنچے تو ملعون ؛ قاسم کا سر جدا کرنا چاہتا تھا ۔ آپ نے اس پر تلوار سے وار کیا اور اس کا ہاتھ کاٹ دیا ۔
اس نے لشکر سے مدد مانگی اور اس کی قوم نے امام حسین علیہ السلام کو گھیر لیا اور اسی جنگ میں قاسم کا بدن گھوڑوں کے سموں کے نیچے پامال ہو گیا ۔ اور جب لشکر حیدر صفدر کے حملوں سے منتشر ہو گیا تو امام حسین علیہ السلام قاسم کے پاس آئے ، جب کہ قاسم کے جسم میں کچھ رمق باقی تھی ، اور اپنے پاؤں زمین پر رگڑ رہے تھے ؛ فَبَکَی الْحَسَیْنُ (علیهالسلام) وَ قَالَ : «وَاللهِ یَعِزُّ عَلَی عَمِّكَ أَنْ تَدْعُوهُ فَلَا یُجِیبُكَ أَوْ یُجِیبُكَ فَلَا یُعِینُكَ أَوْ یُعِینُكَ فَلَا یُغْنِی عَنْكَ».
پس حسیں علیہ نے گریہ کیا اور فرمایا : ’’ خدا کی قسم ! تمہارے چچا کے لئے بہت ناگوار ہے کہ تم اسے پکارو ، لیکن وہ تمہیں جواب نہ دے سکے ، یا جواب دے لیکن تمہاری مدد نہ کر سکے ، یا تمہاری ممد کے لئے آئے لیکن وہ تمہیں بے نیاز نہ سکے ‘‘ ۔
تیسری مصیبت
صدیقۂ صغریٰ فرماتی ہیں :
لَیَتَ السَّمَاءَ طُبِقَتْ عَلَی الْأَرْضِ
وَلَیْتَ الْجِبَالَ تَدْکَدَکَتْ عَلَی السَّهْلِ (۲)
«اے کاش ! آسمان ، زمین پر گر پڑتا اور اے کاش ! پہاڑ ، دشت کی طرح ریزہ ریزہ ہو جاتے» ۔
یہ وہ وقت تھا کہ جب امام حسین علیہ السلام گھوڑے سے زمین پر گرے اور آپ کا بدن مطہر خاک و خون میں غلطاں تھا ۔ عبد الله بن الحسن اپنے چچا کو اس حال میں میں دیکھ کر سخت بے قراری و بے تابی کے عالم میں امام علیہ السلام کی طرف دوڑے ۔ امام حسین علیہ السلام نے فرمایا : «یَا اُخْتَاه ! أَحْبِسِیهِ» ؛ «اے میری بہن ! عبد الله کو روکو کہ وہ اس مصیبت انگیز بیابان میں نہ آئے اور خود کو تیروں اور تلواروں کا ہدف قرار نہ دے» ۔
جناب زینب نے عبد اللہ بن حسن کو پکڑا اور انہیں روکنے کی بہت کوشش کی لیکن عبد اللہ بن حسن نے بہت اصرار کیا اور کہا : لَا وَ اللهِ ! لَا أُفَارِقُ عَمِّیِ ۔ خدا کی قسم ! میں اپنے چچا کو تنہا نہیں چھوڑ سکتا ۔ وہ خود کو جناب زینب سے چھڑا کر امام حسین علیہ السلام کے پاس پہنچے ۔
اسی وقت ابن کعب لعنۃ اللہ علیہ نے امام حسین علیہ السلام پر تلوار سے حملہ کرنا چاہا ، فَقَالَ لَهُ: وَیْلَكَ یَا بْنَ الْخَبِیثَة! أَ تَقْتُلُ عَمِّی؛ عبد الله بن حسن نے کہا : اے زانیه کے بیٹے ! کیا تم میرے چچا کو قتل کرنا چاہتے ہو ؟ (وہ اپنے چچا کے سامنے کھڑے ہو گئے اور ) انہوں نے اپنے چھوٹے چھوٹے ہاتھوں کو اپنے چچا کے لئے ڈھال بنایا لیکن اس ملعون نے تلوار سے وار کیا جس سے عبد اللہ بن حسن کے ہاتھ کٹ گئے ۔پس انہوں نے آواز دی : یا عمّاه ! امام حسین علیه السلام نے انہیں پکڑا اور اپنے سینے سے لگا کر فرمایا : «یَا ابْنَ أَخِی! اِصْبِرْ عَلَی مَا نَزَلَ بِكَ وَاحْتَسِبْ فِی ذَلِكَ الْخَیْر فَإِنَّ اللهَ یَلْحَقُكَ بِآبَائِكَ الصَّالِحِینَ» ۔ (۳) ’’ اے میرے بھتیجے ! تم پر جو مصیبت بھی آئے اس پر صبر کرو ، اور اس میں خیر ہی سمجھو ، اور بیشک خدا تمہیں تمہارے صالح آباء و اجداد کے ساتھ ملحق فرمائے ‘‘۔
جب عبد اللہ بن حسن ، امام حسین علیہ السلام کی آغوش میں تھے تو حرملہ ملعون نے ایک تیر چلا کہ جس سے عبد اللہ بن حسن کی شہادت واقع ہو گئی ۔
پس آنسان ظالمی تیری رها کرد که اندر مقتل شهزاده جا کرد
ندانم شاه را چون گشت احوال که اینجا، عقل مات و نطق شد لال
چرا صافی نشد زین درد و ماتم بسیط خاک، جای چرخ اعظم؟
چوتھی مصیبت
جب امام حسین علیہ السلام نے اپنے جوان بیٹے علی اکبر کو دیکھا کہ جس کا جسم ٹکڑے ٹکڑے ہو چکا ہے ، جس کا سر شگافتہ ہے ، جس کے ہونٹ خشک ہیں اور جو خاک و خون میں غلطاں ہو کر جان دے رہا ہے تو آپ نے بے ساختہ ایسی فریاد کی کہ دوست اور دشمن سبھی ان کی حالت پر روئے ۔
پس امام حسین علیہ السلام نے خود کو گھوڑے سے گرا دیا ’’وَ وَضَعَ خَدَّهُ عَلَی خَدِّه ‘‘ ، اور اپنا چہرا ان کے چہرے پر رکھ دیا ، اور جب آپ نے بے تابی کے عالم میں اپنے بیٹے کے چہرے پر اپنا چہرا رکھا تو ایسے محسوس ہو رہا تھا کہ شمس و قمر کی آپس میں ملاقات ہو رہی ہو ۔
راوی کہتا ہے : کچھ دیر کے بعد ہی امام حسین علیہ السلام نے اپنا چہرا اٹھایا تو علی اکبر کے سر سے خون ان کے چہرے پر جاری ہوا ۔
یقین شد صافی آنسان حالت شاه که اشکش شد بماهی آه بر ماه
پانچویں مصیبت
امام حسین علیه السلام آخری دم تک صابر اور قضاء الٰہی پر راضی تھے اور آنحضرت سے منسوب ہے کہ آپ نے بارگاہ الٰہی میں عرض کیا :
تَرَکْتُ النَّاسَ طُرّاً فِی هَوَاکَا وَأَیْتَمْتُ الْعِیَالَ لِکَیْ أَرَاکَا؛
اے میرے خدا ! میں نے لوگوں کو تیری خواہش اور تیری محبت میں چھوڑ دیا ، اور تیری رضا اور وصل تک پہنچنے کے لئے میں نے اپنے بچوں کو یتیم اور اپنے اہل و عیال کو در بہ در کیا ۔
وَلَوُ قَطَعْتَنِی فِی الْحُبِّ إِرْباً لَمَا حَنَّ الْفُؤَادُ إِلَی هَوَاکَا؛
اور اگر مجھے ٹکڑے ٹکڑے اور ریزہ ریزہ کر دیا جائے تو پھر بھی میرا دل ہرگز تیرے غیر کی طرف راغب نہیں ہو گا اور میں اپنا درد دل کسی اور جگہ بیان نہیں کروں گا ۔
اور شاید آپ نے یہ کلمات اس وقت بیان فرمائے کہ جب آپ صالح بن وہب کے نیزے کی ضرب سے گھوڑے کی زین سے زمین پر آئے ۔
|
جگر تفتیده با چشمان نمناک |
فتاد آن هیکل توحید بر خاک |
چھٹی مصیبت
جب علی بن الحسین علیہما السلام (علی اکبر علیہ السلام) کا بدن مبارک زخموں کی کثرت اور خون بہہ جانے کی وجہ سے کمزور ہو گیا تو ایک ملعون کو موقع ملا ، اس نے اپنی تلوار سے آپ کے سر اقدس پر وار کیا کہ جس سے بہت گہرا زخم لگا اور (یہ دیکھ کر )سارا لشکر جری ہو گیا ، لشکر نے چاروں طرف سے حملہ کیا ، اور انہیں تیروں اور تلواروں کا نشانہ بنایا ۔ جب جناب علی اکبر کی طاقت جواب دے گئی تو آپ نے گھوڑے کی گردن میں باہیں ڈالیں اور نیچے کی جانب جھک گئے اور گھوڑے کی لگام چھوڑ دی ، گھوڑ ایک طرف سے دوسری طرف بھاگ رہا تھا اور وہ جس سوار کے پاس بھی پہنچتا تھا وہ آپ کے بدن مبارک پر حملہ کر کے زخمی کرتا تھا ۔ فَقَطَّعُوهُ بِسُیُوفِهِمْ إِرْباً إِرْباً ؛ ان کے بدن مطہر کو تلواروں سے پارہ پارہ کر دیا ۔ پس جناب علی اکبر گھوڑے سے زمین پر آئے تو آواز دی : یَا أَبَتَاه! هَذَا جَدِّی رَسُولُ اللهِ قَد سَقَانِی بِکَأْسِهِ الْأَوْفَى.اے بابا جان ! یہاں مرے جد رسول خدا (صلی اللہ علیہ و آلہ و سلم ) موجود ہیں کہ جنہوں نے مجھے اپنے جام سے سیراب فرمایا ہے ‘‘
جب امام حسین علیہ السلام نے اپنے جوان بیٹے کی فریاد سنی تو آپ نے جگر سوز فریاد کی اور فرمایا : «قَتَلَ اللهُ قَوْماً قَتَلُوكَ» ؛ ( ۴)
گفت: ای جان پدر روحی فداک باد بر دنیا پس از مرگ تو خاک
ساتویں مصیبت
امام حسین علیہ السلام ان تمام مصائب ، مشکلات ، تکالیف اور سختیوں (اگر یہ پہاڑوں پر پڑتیں تو وہ اس کی تاب نہ لا کر ریزہ ریزہ ہو جاتے) پر صابر اور قضائے الٰہی پر راضی رہے ۔ بھوک اور پیاس کی شدت کا عالم ، بدن پر بے شمار زخم ، ہر طرف سے دشمنوں نے گھیرا ہوا ہے کہ جو آپ کے بدن پر ایک کے بعد ایک زخم لگا رہے ہیں ، لیکن ان سب کے باوجود آپ بار بار خدا کی بارگاہ میں عرض کر رہے ہیں : «صَبْراً عَلَی بَلَائِكَ وَ رِضاً بِقَضَائِكَ» ؛ ’’ خدایا ! میں تیری بلاؤں اور مصیبتوں پر صابر ہوں اور تیری رضا پر راضی ہوں ‘‘ اور آپ خشک زبان اور سوختہ جگر سے کبھی پانی طلب کرتے ہیں اور فرماتے ہیں :
«وَاعَطَشَاه ! وَاقِلَّةَ نَاصِرَاه ! یَا قَوْمِ !ِ اِسْقُونِی شَرْبَةً مِنَ الْمَاءِ قَبْلَ طُلُوعِ رُوحِی مِنْ جَسَدِی»؛
«اے بے مروت لوگو! اے بے رحم لوگو ! مجھے ایک گھونٹ پانی دے دو ، اس سے پہلے کہ مرے جسم سے میری روح پرواز کر جائے» ۔
به سبط پیمبر خدا را ثوابی گذارید منّت به یک جرعه آبی
شد از تیغ و خنجر دلم پارهپاره شده زخمهایم فزون از ستاره
شما را گر از قتل من نیست چاره دهید آب، رحمی به حال خرابی
بده مهلت ای شمر تا مادر آید رها کن مگر باب من بر سر آید
ز خیمه به بالین من خواهر آید مکن بیمروّت به قتلم شتابی
آٹھویں مصیبت
امام حسین علیہ السلام سے منسوب ہے کہ آپ نے بارگاہ الٰہی میں عرض کیا :
تَرَکْتُ النَّاسَ طُرّاً فِی هَوَاکَا وَأَیْتَمْتُ الْعِیَالَ لِکَیْ أَرَاکَا؛
اے میرے خدا ! میں نے لوگوں کو تیری خواہش اور تیری محبت میں چھوڑ دیا ، اور تیری رضا اور وصل تک پہنچنے کے لئے میں نے اپنے بچوں کو یتیم اور اپنے اہل و عیال کو در بہ در کیا ۔
وَلَوُ قَطَعْتَنِی فِی الْحُبِّ إِرْباً لَمَا حَنَّ الْفُؤَادُ إِلَی هَوَاکَا؛
اور اگر ٹکڑے ٹکڑے اور ریزہ ریزہ کر دے تو پھر بھی میرا دل ہرگز تیرے غیر کی طرف نہیں جائے گا اور اپنا درد دل کسی اور جگہ بیان نہیں کروں گا ۔
نمودم ترک مردم را جمیعاً در هوای تو یتیم و دربهدر کردم عیال خود برای تو
نمایی پارهپارهگر مرا اندر ره عشقت دلم هرگز نخواهد رفت سوی ماسوای تو
آه آه! مجھے نہیں معلوم کہ امام حسین علیہ السلام نے کس وقت یہ کلمات بیان فرمائے ؛ کیا اس وقت یہ کلمات بیان فرمائے کہ جب سہ شعبہ تیر آپ کے قلب مبارک پر پیوست ہو گیا اور جس سے ناودان (پرنالہ) کی طرح خون جاری ہو گیا اور آپ نے وہ خون اپنے ہاتھوں میں لیا اور اپنے چہرے اور داڑھی پر مل لیا اور فرمایا : «هَکَذَا أَکُونُ حَتَّی اَلْقَی جَدِّی رَسُولَ اللهِ وَ (أَنَا مَخْضُوبٌ بِدَمی ) و َ أَقُوُلَ قَتَلَنِی فُلَانٌ وَ فُلاَنٌ » ؛ (۵)
خدا کی قسم !میں اسی خون آلود چہرے کے ساتھ اپنے جد رسول خدا (صلی اللہ علیہ و آلہ و سلم ) سے ملاقات کروں گا اور کہوں گا : اے رسول خدا (صلی اللہ علیہ و آلہ و سلم ) مجھے فلاں فلاں نے قتل کیا ہے ۔
یا آپ نے اس وقت یہ کلمات بیان کئے کہ جب صالح بن وہب لعنۃ اللہ علیہ نے آپ کے پہلو میں اس طرح سے نیزہ مارا کہ آپ گھوڑے کی زین سے زمین پر آ گئے ۔
چو پهلو شد ز جنبالله پاره ز عینالله بر مه شد ستاره
شد اندر ذات حقّ چون باب ممسوس فتاد از صدر زین با آه و افسوس
نویں مصیبت
اگر صحرائے کربلا میں امام حسین علیہ السلام کے جسم مطہر زخمی نہ ہوتا ، اور آپ کے سر اقدس کو بدن اطہر سے جدا نہ کیا جاتاتب بھی آپ کی شہادت کے لئے وہ تیر ہی کافی تھا کہ جو آپ کے دل میں پیوست ہو گیا ۔ جب ابو الحتوف ملعون نے کمان سے ایک تیر چلایا جو آپ کی پیشانی مبارک پر آ کر لگا اور ایک روایت کے مطابق کہ اس نے آپ کی پیشانی مبارک پر ایسا پتھر مارا کہ پیشانی شگافتہ ہو گئی ۔
ز کف ، سنگیندلی ، سنگی رها کرد به پیشانی وجهالله جا کرد
چو پیشانی وجه الله بشکست به عینالله، خون، راه نظر بست
پر از خون گشت روی شاه اطهر چو در روز اُحد روی پیمبر
آپ کے چہرے اور داڑھی پر خون جاری ہوا ، اور آپ نے اپنے چہرۂ اقدس سے خون صاف کرنے کے لئے دامن سے زرہ ہٹائی اور اپنے پیراہن کو کھینچا تو آپ کا قلب مبارک درخشاں آفتاب کی مانند نمایاں ہوا ؛ فَأَتَاهُ سَهْمٌ مَسْمُومٌ لَهُ ثَلَاثَةُ شُعَبٍ ؛ (۶) ’’ایک سہ شعبہ زہر آلود تیر آیا ۔
چو دامان کرد بالا، شد نمایان یکی تیری سهپَر از شصت بدخواه
چو آن تیر از قفایش سر به در کرد ندانم رفت چون بر شاه مظلوم
چرا صافی نشد زین درد و ماتم دل پر نور، یعنی عرش رحمن
رها گشت و نشست اندر دل شاه دل پاک پیمبر را خبر کرد
دل نازک کجا و تیر مسموم بسیط خاک، جای چرخ اعظم؟
دسویں مصیبت
امام حسین علیہ السلام کے عظیم اور سخت مصائب میں سے ایک آپ کا آخری وداع اور اہلبیت اطہار علیہم السلام سے رخصت ہونا ہے ۔ آپ تصور کریں کہ اس وقت امام حسین علیہ السلام اور اہلبیت اطہار علیہم السلام کی کیا حالت اور کیا کیفیت رہی ہو گی ، جب وہ یہ جانتے ہیں کہ اس کے اب کبھی حسین کو نہیں دیکھ پائیں گے مگر جب حسین خاک و خون میں غلطاں ہوں گے اور حسین کا سر نیزے پر بلند ہو گا ۔ اس وقت نہ کوئی یاور و انصار ، نہ کوئی ناصر و مددگار ہو گا ، اس وقت سب بیکس و لاچار اور بے یار و مددگار ہوں گے ، اور ایک بیابان ہے ہو گا کہ جس میں سنگدل اور بے رحم دشمن ہو گا۔
قَالَتْ سَکِینَةُ: یَا أَبَتَاه! اِسْتَسْلَمْتَ لِلْمَوْتِ ؛
سکینه نے عرض کیا : اے بابا جان ! کیا آپ موت کی طرف جا رہے ہیں ؟
امام حسین علیہ السلام نے فرمایا :
«کَیْفَ لَا یَسْتَسْلِمُ (لِلْمَوْتِ) مَنْ لَا نَاصِرَ لَهُ وَ لَا مُعِینَ» ؛ (۷)
«وہ کیسے موت کی طرف نہ جائے کہ جس کا کوئی ناصر و مددگار نہ ہو؟» ۔
سکینہ نے اپنے سر پر ماتم کرتے ہوئے نوحہ و گریہ کی بنیاد رکھی ۔
امام حسین علیه السلام نے فرمایا :
لَا تُحْرِقِی قَلْبِی بِدَمْعِكَ حَسْرَةً مَادَامَ مِنِّی الرُّوحُ فِی جُثْمَانِی
(اے سکینہ جان ! ) اپنے حسرت بھرے آنسؤں سے میرے دل کو مٹ جلاؤ کہ جب میرے جسم میں روح موجود ہے ۔
فَإِذَا قُتِلْتُ فَأَنْتِ أَوْلَى بِالَّذِی تَأْتِینَهُ یَا خَیْرَةَ النِّسْوَانِ (۸)
اور جب میں قتل ہو جاؤں تو تم سب سے زیادہ مجھ پر رونے کی مستحق ہو ، اے سب سے بہترین نسواں ۔
حوالہ جات
۱ ۔ مجلسی ، بحار الانوار ، ج45 ، ص42 ۔
۲ ۔ ابن طاووس ، اللہوف ، ص73 ؛ مجلسی ، بحار الانوار ، ج45 ، ص54 ۔
۳ ۔ طبری ، تاریخ ، ج 4 ، ص344 ؛ مفید ، الارشاد ، ج2 ، ص110 ؛ ابن نما حلی ، مثیر الاحزان ، ص55 ـ 56 ۔
۴ ۔ مجلسی ، بحار الانوار ، ج45 ، ص44 ؛ بحرانی اصفہانی ، عوالم العلوم ، ص286 ـ 287۔
۵ ۔ مجلسی ، بحار الانوار ، ج45 ، ص53 ۔
۶ ۔ ابن طاووس ، اللہوف ، ص71 ؛ امین عاملی ، اعیان الشیعه ، ج 1، ص 610 ؛ ایضاً ، لواعج الاشجان ، ص187 ۔
۷ ۔ مجلسی ، بحار الانوار ، ج45 ، ص47 ۔
۸ ۔ ابن شہر آشوب ، مناقب آل ابی طالب ، ج4 ، ص109ـ 110۔